ՆԱԽԱԳԻԾ

Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածով, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի 4-րդ հոդվածի 2-րդ մասի 6-րդ կետով, Հայաստանի Հանրապետության կառավարության 2020 թվականի հունիսի 4-ի N1023-Ն և 2006 թվականի մայիսի 18-ի N912-Ն որոշումներով, նկատի ունենալով, որ կառույցի պահպանումը չի խախտում այլ անձանց իրավունքներն ու օրենքով պահպանվող շահերը, կառուցված չէ քաղաքաշինական նորմերի ու կանոնների էական խախտումներով, չի առաջացնում սերվիտուտ պահանջելու իրավունք և հիմք ընդունելով սեփականատեր Հովհաննես Նազարյանի 2024 թվականի մայիսի 7-ի դիմումը.

ՈՐՈՇՈՒՄ ԵՄ՝

1. Օրինականացնել Հայաստանի Հանրապետության Արմավիրի մարզի Արաքս համայնքի Առատաշեն գյուղի բնակիչ Հովհաննես Մնացականի Նազարյանին, Արմինե Հովհաննեսի Նազարյանին, Աշխեն Ժորային Բարսեղյանին, Կարինե Հովհաննեսի Նազարյանին, Թամար Հովհաննեսի Նազարյանին, Մարինե Հովհաննեսի Նազարյանին, Զավեն Հովհաննեսի Նազարյանին սեփականության իրավունքով պատկանող /04-013-0053-0012/ ծածկագրով տնամերձ հողամասում ինքնակամ կառուցված 52,7քմ արտաքին մակերեսով բնակելի տունը, 60.0քմ արտաքին մակերեսով օժանդակ շինությունը, 28,7քմ արտաքին մակերեսով ավտոտնակը՝ համաձայն «Աստղիկ Մանուկյան» Ա/Ձ-ի կողմից տրված շինությունների և հողամասի հատակագծերի և կադաստրի կոմիտեի կողմից հաստատված հայտի քաղվածքի ծածկագիրը` 2024WCWXR7:

2. Ինքնակամ կառույցների օրինականացման համար վճարը կազմում է բնակելի նշանակության շինությունների 1քմ-ի համար 1028 Հայաստանի Հանրապետության դրամ, օժանդակ շինությունների 1քմ-ի համար 616.8  Հայաստանի Հանրապետության դրամ, 1028*52.7քմ=54176 /հիսունչորս հազար մեկ հարյուր յոթանասունվեց/ Հայաստանի Հանրապետության դրամ, 616,8*88,7քմ=54710 /հիսունչորս հազար յոթ հարյուր տաս/ Հայաստանի Հանրապետության դրամ: Ընդամենը՝ 54176+54710=108886 /մեկ հարյուր ութ հազար ութ հարյուր ութսունվեց/  Հայաստանի Հանրապետության դրամ:

3.Ինքնակամ կառուցված շենք-շինության օրինականացման համար հաշվարկված վճարը՝108886 Հայաստանի Հանրապետության դրամ գումարը պետք է վճարվի Առատաշեն գյուղի N900325153162 հաշվեհամարին:

4.Սույն որոշման ընդունման օրվանից 60-օրվա ընթացքում օրինականացնելու համար սահմանված վճարը չվճարելու դեպքում որոշումը համարել ուժը կորցրած:

5.Սույն որոշումից բխող գույքային իրավունքները ենթակա են գրանցման Հայաստանի Հանրապետության Կադաստրի կոմիտեի անշարժ գույքի գրանցման միասնական ստորաբաժանումում:

6.Սույն որոշումն ուժի մեջ է մտնում ընդունման պահից: